امریکا په کابل کې د خپل سفارت د بیا پرانیستلو پلان نه لري

امریکايي رسنیو راپور ورکړی چې امریکا په کابل کې د خپل سفارت د بیا پرانستلو پلان نه لري.

د جمهور خبري آژانس د خبر له مخې، واشنګټن ایګزامینر نن سهار، د شنبې په ورځ (د وري ۱۶مه) د امریکا د بهرنیو چارو وزارت او ملي امنیت شورا د ویاندانو په حواله راپور ورکړ چې امریکا په کابل کې د خپل سفارت د بیا پرانستلو اجازه ورکولو هیڅ پلان نلري.

د امریکا د بهرنیو چارو وزارت ویاند ټیمي بروس وویل: متحده ایالات هیڅ یو ارګان د افغانستان د حکومت په توګه نه پیژني او له همدې امله د خپل سفارت د بیا پرانستلو اجازه ورکولو پلان نلري.

د امریکا د ملي امنیت شورا ویاند جیمز هیویټ وویل: "موږ په واشنګټن کې د افغانستان د سفارت په اړه هیڅ ژمنې نه دي کړې او په کابل کې د امریکا د سفارت د ودانۍ د وضعیت په اړه هیڅ بحث نه دی شوی."

جمهورخبري آژانس