اسلام اباد او راولپنډۍ کې پولیسو ۶۰ افغان کډوال نیولي

پاکستاني رسنیو راپور ورکړی، چې ناقانونه افغان کډوالو ته د بېرته ستنېدو د مهالوېش پای‌ته رسېدو وروسته پولیسو ۶۰ تنه افغان کډوال نیولي دي.

د جمهور خبري آژانس د خبر له مخې اکسپریس ټریبیون ورځپاڼې په یوه راپور کې لیکلي، چې پولیسو پرون ۲۲ کډوال په اسلام آباد او ۳۸ په راولپندي کې نیولي دي.

د راپورونو له مخې پرون د پاکستان په زیاتو ښارونو کې د پولیسو له خوا افغان کډوال نیول شوي. د پاکستان حکومت د (ای سي سي) او (پي او ار) کارت لرونکو افغانانو ته خبرداری ورکړی، چې د روانې میاشتې تر لسمې نېټې له پاکستانه ووځي.

دغه راز د پاکستان په ټولو ښارونو کې پولیسو د افغان کډوالو پر وړاندې عملیات پېل کړي.

جمهورخبري آژانس