د تورخم لارې د پرانیستلو لپاره د افغانستان او پاکستان د سوداګرۍ خونې غونډه جوړېږي

د ننګرهار ولایت د سوداګرۍ او پانګونې خونې اعلان وکړ چې د تورخم لارې د بیا پرانیستلو لپاره به د افغانستان او پاکستان د سوداګرۍ خونې غونډه نن ترسره شي.

د جمهور خبري آژانس د خبر له مخې، د ننګرهار د سوداګرۍ او پانګونې خونې نن چهارشنبې (د کب ۲۲مه) په یوه اعلامیه کې ویلي چې د افغان او پاکستاني لوري ترمنځ غونډه به د سهار په ۱۱:۰۰ بجو ترسره شي.

د یادونې وړ ده چې د ۲۰ ورځو وروسته، د تورخم لاره د پاکستان لخوا د ټولو ترافیکو پر مخ تړلې ده. د لارې له تړلو وروسته، د طالبانو سرحدي جنګیالیو او پاکستاني سرحدي ځواکونو څو ورځې نښتې وکړې، چې په پایله کې یې دواړو خواوو ته ګڼ شمېر مرګ ژوبله واوښته.

جمهورخبري آژانس