له ایران څخه د کانکریټو بلاکونو ۱۵ واګونونه بار یو اورګاډی افغانستان ته ننوت

د هرات ولایت لپاره د طالبانو سیمه ییزو چارواکو اعلان کړی چې یو اورګاډی چې ۱۵ واګونونه کانکریټي بلاکونه پکې بار دي له ایران څخه دغه ولایت ته داخل شوی دی.

د جمهور خبري اژانس د راپور له مخې، د هرات د والي مطبوعاتي دفتر د چهارشنبې په ورځ (د مرغومي ۲۶مه) وویل چې یو بار وړونکی اورګاډی چې ۱۵ واګونونه یې د کانکریټ بلاکونو سره بار وو او ټولټال ۹۶۰ ټنه وزن یې درلود، تېره شپه د ایران له روزناک سټیشن څخه دغه ولایت ته ورسېدل.

طالبانو ویلي چې په ورته وخت کې، د دې پټلۍ له لارې د ایران او افغانستان ترمنځ د سوداګریزو توکو لیږد زیات شوی، او د خواف-هرات پټلۍ د څلورمې برخې د لومړي پړاو د جوړولو کار د ۸۰ سلنه فزیکي پرمختګ سره روان دی.

طالبانو زیاته کړه چې د خواف-هرات د اورګاډي پټلۍ په بشپړ فعالیت سره به د مسافرو او سوداګریزو توکو د لیږد لګښت ۵۰ سلنه کم شي.

جمهورخبري آژانس