جاپان له افغانستان سره تر یو ملیون ډالرو ډیرې مرسته کړې

د ملګرو ملتونو د نفوس صندوق وايي چې د جاپان حکومت افغانستان ته ۱.۵ میلیونه ډالر اضافي مالي مرسته ورکړې ده.

د جمهور خبري اژانس د راپور له مخې، د ملګرو ملتونو د نفوس صندوق د دوشنبې په شپه (د جنوري ۱۴مه) اعلان وکړ چې دا مرسته به د هیواد په کندهار، فاریاب او ننګرهار ولایتونو کې د میندو روغتیا، زیږون، ماشومانو او ځوانانو د ملاتړ لپاره ولګول شي.

دې صندوق زیاته کړه چې دا مرسته په یوه مهم وخت کې راځي ځکه چې افغانستان د اوږدمهاله او مخ په زیاتیدونکي بشري بحران سره مخ دی.

د صندوق په راپور کې راغلي چې د ۲۰۲۵ کال لپاره د افغانستان د بشري غبرګون او اړتیاوو د پلان له مخې، د نفوس له نیمایي څخه ډیر بشري مرستو ته اړتیا لري؛ په دې کې شاوخوا ۱۷ میلیونه خلک شامل دي چې روغتیايي خدماتو ته بیړنۍ اړتیا لري.

د فنډ په وینا، دا فنډ په افغانستان کې د ښځو او نجونو د ساتنې لپاره د سازمان ګډې ژمنې بیا تاییدوي، په داسې وخت کې چې دوی له بې ساري ننګونو سره مخ دي.

جمهورخبري آژانس