د بامیان ولایت د طالبانو د والي مطبوعاتي دفتر په یوه مطبوعاتي اعلامیه کې ویلي؛ تېره شپه د دره شکاري په جلمش کلي کې درې وسله وال غله ونیول شول.
د جمهور آژانس د خبر له مخې په خبرپاڼه کې ویل شوي چې دغو غلو پلان درلود چې د بامیان او د هیواد د شمال ترمنځ د بار وړونکو لاریو غلا کړي.
د بامیان څخه سرچینې خلکو ته وايي: دا غله اکثره طالبانو ته نږدې کسان دي، او د ۲۰۲۲ کال د سپتمبر په ۱۶مه، په دې ولایت کې د تیلو درې سوداګریز ټانکونه د یوې اونۍ په اوږدو کې د طالبانو سره تړلو کسانو لخوا غلا شول.
دا غله وروسته په میدان وردګو ولایت کې د طالبانو لخوا ونیول شول، خو طالبانو پرته له کومې پوښتنې خوشې کړل، او غلا شوې پیسې یې مالکینو ته بیرته نه دي ورکړل شوې.
د جلمش کلی د بامیان ولایت د غندک په ناامنه کلیو کې یو له هغو کلیو څخه دی، چیرې چې د هرې کورنۍ نږدې یو کس د طالبانو د رژیم کارمند دی.
ویل کیږي چې اوس یې اوسیدونکي د طالبانو د حکومت تر چتر لاندې له داعش سره یوځای شوي دي، او د دوی کنټرول د طالبانو له کنټرول څخه ایستل شوی دی.
جمهورخبري آژانس
