مولوي عبدالکبیر: دوحې هوکړه زموږ د نظام د څرنګوالي ټاکلو لپاره نه وه

د طالبانو رييس الوزراء سیاسي مرستیال وايي، د دوی حکومت د اسلامي اصولو په رڼا کې له نړۍ سره اړیکې غواړي. 


د جمهور خبري آژانس د خبر له مخط‌مولوي عبدالکبیر زیاتوي، اسلامي امارت د سولې او یووالی پیغام لري؛ خو که کوم لوری تاوتریخوالي ته لمن وهي؛ نو هرو مرو به له جدي چلند سره مخ کېږي. 

مولوي عبدالکبیر په د رییس پکتیا ولایت کې د دستاربندۍ په مراسمو کې وایي، چې اسلامي امارت د هېڅ لوري غوښتنو ته غاړه نه ږدي، بلکې د اسلامي اصولو په رڼا کې له نړۍ سره د اړیکو جوړولو په هڅه کې دی.  

هغه په خپلو خبرو کې زیاته کړه چې اسلامي امارت د سولې او یووالي پیغام لري، خو که کوم لوری د تاوتریخوالي هڅه وکړي، جدي چلند به ورسره وشي.

مولوي عبدالکبیر زیاتوي چې د دوحې هوکړه لیک په دې مانا نه و چې امریکا د حکومتولۍ په تړاو اسلامي امارت ته فرمایش ورکړي، بلکې له هېواده د واشنګټن د ځواکونو د وتلو په تړاو و.

هغه وايي: د دوحې د تړون په اړه مو باید څوک غلط پوه نه کړي. په دوحه کې اسلامي امارت له امریکا سره هوکړه او ژمنه کړې خو هغه ژمنه ددې لپاره نه و، چې دی ماته فرمایش راکړي چې ستا نظام به څرنګه وي. هغه په دې اړه و چې امریکا ویل زه ووځم ماته ۱۴ میاشتې وخت راکړه او طالبانو ورته ویل چې نه ژر به ووځې.


مولوي‌ کبیر په لېرې پرتو سیمو کې د مدرسو او ښوونځیو فعالیت ستایي او زیاتوي چې اسلامي امارت له کوم تبعیض پرته د ټولو ښوونیزو مرکزونو پرمختګ ته بشپړ پام کوي.

نوموړي دغه راز ټینګار وکړ چې اسلامي امارت ټول هغه هېوادوال چې په تېر نظام کې یې کارکاوه، بښلي دي.

مولوي عبدالکبیر زیاته کړه: په شل کاله کې که هر چا د ناټو او امریکا په صف کې کار کړی وي. اسلامي امارت له فتحې وروسته عفوه عامه کړې ده. که یو څوک عسکر هم و څوک به کار پرې نه لري. که څوک د پارلمان وکیل هم وو د چا ورسره کار نشته ځکه زموږ اصل کار له بهرنیانو سره و. 

جمهورخبري آژانس