تېره میاشت د اوسپنې پټلۍ له لارې څه باندې ۴۵۲ زره ټنه انتقالات شوي

په تېره یوه میاشت کې د اوسپنې پټلۍ له لارې څه باندې ۴۵۲ زره ټنه انتقالات ترسره شوي دي.

د جمهور خبري آژانس د خبر له مخې ټولګټو چارو وزارت ویلي، چې تېره میاشت د حیرتان، اقینې او تورغونډۍ اوسپنې پټلیو له لارې ۴۵۲ زره ۱۳۳ مټریک ټنه توکي لېږدول شوي دي.

دغه وزارت وايي دوی د هرې ورځې په تېرېدو د خپلو چارو د لا پراختیا او ښه والي لپاره هڅه کوي او موخه یې دا ده چې د هېواد سوداګرو ته ټول اړین امکانات برابر کړي او معیاري چوپړتیاوې وړاندې کړي.

جمهورخبري آژانس