د راپورونو له مخې د خیبر پښتونخوا په سویلي وزیرستان کې په یوه وسلوال برید کې لږ تر لږه ۱۶ پاکستاني پوځیان وژل شوي او ګڼ شمېر نور ټپیان شوي دي.

د جمهور آژآنس د خبر له مخې راپورونه وايي، دا له تېرو څو میاشتو راهیسې پر پاکستاني پوځ تر ټولو لوی او مرګونی برید دی، چې مسولیت یې ‘ټي‌ټي‌پي’ منلی دی.

دا برید په داسې وخت کې شوی، چې په دې وروستیو کې په پاکستان کې وسلوال تاوتریخوالی ډېر شوی دی.

د پاکستان د استخباراتو یوه چارواکي د نوم نه ښودلو په شرط خبري رسنیو ته ویلي، چې د پوځ پر پوستې دا برید په سویلي وزیرستان کې ډیورنډ فرضي کرښې ته څېرمه شاوخوا ۳۰وسلوالو کړی دی.

جمهورخبري آژانس