د طالبانو د کرنې، اوبولګولو او مالدارۍ وزارت د کرنې او مالدارۍ مرستیال صدراعظم عثماني ایران ته د سفر په ترڅ کې د دې هېواد له صنعتي شرکتونو څخه لیدنه کړې ده.

د جمهور آژآنس د خبر له مخې د کرنې، اوبولګولو او مالدارۍ وزارت وايي، چې عثماني د یادو شرکتونو له مسولینو سره په لیدنه کې افغانستان ته د تولید ټکنالوژۍ د لېږدبرخه کې د لا زیاتې همکارۍ غوښتنه کړې.

د یاد وزارت په وینا؛ دې لیدنه کې د یادو شرکتونو مسوولینو د ټکنالوژۍ د لېږد، د مسلکي کارکوونکو د روزنې او افغانستان ته د اړینو کرنیزو تجهیزاتو د رالیږد برخه کې همکارۍ ته چمتووالی ښودلی دی.

جمهورخبري آژانس