د طالبانو د ډلې اداري مرستیال مولوي عبدالسلام حنفي ازبکستان ته د خپل سفر په ترڅ کې د دغه هېواد بخارا ولایت ته ولاړ.
د جمهور خبري آژانس د خبر له مخې طالب ډلې نن دوشنبه (د لیندۍ ۱۲ مه) ویلي، چې د دې ډلې اداري مرستیال مولوي عبدالسلام حنفي ازبکستان ته د خپل سفر په لړ کې پرون د دغه هېواد بخارا ولایت ته تللی دی.
د بخارا والي باتور ظريف وويل، د ازبکستان او افغانستان هېوادونه ډېر کلتوري او تاريخي مشترکات لري او له دغو مشترکاتو څخه په استفادې سره دواړه هېوادونه کولای شي دوه اړخيزې اړيکې پياوړې او پياوړې کړي.
مولوي عبدالسلام حنفي هم په دې کتنه کې وويل چې افغانستان او ازبکستان هغه دوه هېوادونه دي چې په ځانګړي ډول تاريخي عنعنات لري او په اسلامي فرهنګ او تمدن کې هم د قدر وړ ځاى لري او که له دغه ځاى څخه په سمه توګه استفاده وشي نو دوه اړخيزې اړيکې لا پراختيا موندلى شي
حنفي په بخارا کې د اسلامي او تاریخي ځایونو څخه لیدنه کړې ده.
جمهورخبري آژانس
