د حامد کرزي د دفتر پخواني رئیس عبدالکریم خرم کابل ته د سرګي شویګو په مشرۍ د روسي پلاوي د سفر په اړه غبرګون وښود او هغه یې خورا مهم وباله.

د حامد کرزي د دفتر پخواني رئیس عبدالکریم خرم کابل ته د سرګي شویګو په مشرۍ د روسي پلاوي د سفر په اړه غبرګون وښود او هغه یې خورا مهم وباله.

د جمهور خبري آژانس د خبر له مخې د افغانستان د اطلاعاتو او کلتور پخواني وزیر ویلي، د خبرو اترو محتوياتو ته په پام سره، چې زه ورته لاسرسی نه لرم، کابل ته د روسیې د امنیت شورا د منشي سرګي شویګو سفر ډیر مهم دی.

ښاغلي خرم زیاته کړه، له جګړې او کړکېچ څخه ډکې نړۍ کې چې په چټکۍ سره د څو قطبي کېدو پر لور روانه ده، د روسیې لپاره اړینه ده چې په دې کچه له افغانستان سره لېوالتیا وښيي.

د ښاغلي خرم په وینا، افغانستان د ختیځ او لویدیځ تر منځ د سختې جګړې ډګر ګرځېدلی شي، ځکه دلته د دوی همکاري رامنځ ته کېدای شي، دا په دې پورې اړه لري، چې د روسیې د یوریشیا بدله تر کومه حده ريښه لري!؟

د کرزي د دفتر پخوانی رییس وايي، د هغه څه برعکس چې نړیوال سازمانونه او یو شمېر غربي ډیپلوماټان وايي، د افغانستان جیوستراتیژیک اهمیت دومره ستر دی چې هېڅکله یې له پامه نه غورځول شوی.

د يادونې وړ ده، چې تېره ورځ د دغه هېواد د امنيت شورا د سرمنشي سرګي شويګو په مشرۍ د روسيې يوه لوړ پوړي پلاوي د د طالبانو د لومړي وزير مرستيال او د سرمنشي د مرستيال په ګډون له يو شمېر نورو لوړ پوړو چارواکو سره وکتل.

د امنیت شورا مشر او د افغانستان لپاره د روسیې ځانګړی استازی کابل ته راغلی او له طالبانو سره یې خبرې کړې دي.

جمهورخبري آژانس