ازبک طالبان د طالبانو له ډلې سره خپل ملاتړ بېرته کوي، د بلخ او فاریاب ولایتونو سرچینې جمهور خبري آژانس ته ویلي، د هېواد په شمال کې د طالبانو د حکومت تر سیوري لاندې د ازبکانو ژوند په سختېدو دی.
د ځايي سرچينو د معلوماتو له مخې، د افغانستان په شمالي اوزبک ولايتونو کې وضعيت دې کچې ته رسېدلی، چې د ښاروالۍ او طالبانو له اجازې پرته ښاريانو ته اجازه نه ورکول کېږي، چې خپل زاړه کورونه ترميم کړي.
د بلخ یوې سرچینې هم جمهور آژانس ته تایید کړې، چې پر غیر پښتنو د ځمکو پلور منع دی او هغه کسان، چې د ځمکو معاملې کوي، د طالبانو د استخباراتو له اجازې پرته د ملکیتونو د خرڅلاو حق نه لري او په ګڼو سیمو کې چې د دوی په واک کې دي، نسبتاً ښې ځمکې، د ځمکې پېر او پلور بالکل منع دی.
پر دې سربېره ویل کېږي چې د هېواد په شمال کې د خلکو په ژوند کې د وسله والو طالبانو لاس وهنه ډېره شوې ده.
یو شمېر باخبرو سرچینو له جمهور خبري آژانس سره په خبرو کې ویلي، چې تېر اوړي د سیمه ییزو طالبانو پر وړاندې د تخار د اوسېدونکو د پاڅون اصلي لامل د ناموس مسئله وه او ویې ویل: د کوکنارو د کښت د له منځه وړلو پر وړاندې درېدل یوازې د کیسې یوه برخه وه، خو حقیقت دا دی چې که یوه نجلۍ یا ښځه؛ هغه هره ورځ په ښار کې لیدل کیده، طالب جنګیالیو به یې د شپې لخوا تښتول.
خو ویل کیږي چې په شمال کې د طالبانو په لیکو کې د ازبک او تاجک جنګیالیو ډیری جنګیالي پښیمانه دي او حتی یو شمیر یې د طالبانو له لیکو وتلي دي.
د طالبانو د ازبک نژاد دوو غړو په ښکاره د جمهور خبري آژانس ته ویلي چې ازبک طالبان له طالبانو سره په جګړه پښیمانه دي او فکر یې نه کاوه چې د طالبانو فکر او عمل به داسې وي او د ازبک طالبانو برخلیک به ورسره وي.
ازبک طالبانو د هېواد په شمال کې د جمهوري نظام په نسکورولو کې اساسي رول لوبولی و او ویل کېږي چې ازبک طالبانو د هېواد په شمال کې جمهوري نظام ړنګ کړ، خو له دې زیاتې ناخوښۍ سره مخ دي.
جمهورخبري آژآنس
