د چین د کمونېست ګوند د مرکزي کمېټې د سیاسي بیورو غړي او د دې مرکزي کمېټې د بهرنیو چارو دفتر مشر وانګ يي د نومبر په ۱۲مې نېټې په پلازمېنې بېجینګ کې د روسیې د فدرالي امنیتي کنفرانس له سکرټر سیرګي شویګو سره د دواړو هېوادونو د ستراتيژيک امنیت د ۱۹مې ناستې مشري کړې ده.
دواړو خواوو د ګډې علاقې وړ پر سترو ستراتيژيکو امنیتي مسئلو د نظریو ژورې تبادلې کړې دي.
وانګ يي يادې ناستې ته ويلي، چې د چین او روسیې د ستراتيژیک امنیت د مشورې میکانیزم دې د دواړو هېوادونو د مشرانو د ګډو نظریو پر بنسټ د امنیت او پرمختګ د ستراتيژيکو او هراړخیزو موضوعاتو په اړه پياوړې سلا مشورې وکړي او خپلمنځي ستراتيژيک باور دې پر له پسې پياوړی کړي.
ښاغلي شویګو ویلي، روسیه غواړي له چین سره د مشرانو ګډې نظریې ښې تطبیق او دوه اړخیزې همکارۍ ورسره لا نږدې کړي، څو خپلمنځي اړیکې یې نورې هم ټينګې شي.
جمهورخبري آژانس
