په یوه میاشت کې هېواد ته ۱۵۰ زره افغان کډوال راستانه شوي

 د طالبانو د کډوالو او راستنېدونکو چارو وزارت ویاند عبدالمطلب حقاني وايي، د تېرې یوې میاشتې په لړ کې له ترکیې، ایران او پاکستانه هېواد ته د ۱۵۰ زره افغان کډوالو د راستنېدو خبر ورکړی دی.
 
 حقاني، د تېرې یوې میاشتې په لړ کې له ترکیې، ایران او پاکستانه هېواد ته د ۱۵۰ زره افغان کډوالو د راستنېدو خبر ورکړی دی.

د دغه وزارت ویاند ویلي چې، د دغو کسانو له منځه ۱۰ زره کسان له پاکستانه او ۹۰۰ زره یې له ترکیې او پاتې نور یې له ایرانه هېواد ته راستانه شوي دي.

ښاغلي حقاني زیاته کړه:«د یوې میاشتې په لړ کې، کابو ۱۵۰ زره افغانان هېواد ته راستانه شوي چې، ځينې یې په خپله خوښه راغلي او ځينې هم په اجبراي توګه ایستل شوي دي.»

ورته مهال، ځينې کډوال چې، هېواد ته راستانه شوي، له سرپرست حکومته غواړي چې، د کاري او سرپناه په څېر اسانتیاوې ورته برابرې کړل شي.

جمهورخبري آژانس