د سړو سیمو د ښوونځیو کلنۍ ازموینې به د لړم په ۲۶ پیل شي

د طالبانو د ښوونې او روزنې وزارت اعلان کړی چې د لړم د میاشتې په ۲۶ نیټه به د هیواد د سړو سیمو د ښوونځیو کلنۍ ازموینې پیل شي.

د جمهور آژآنس د خبر له مخې د طالبانو د ډلې تر کنټرول لاندې د پوهنې وزارت نن یکشنبه (د لړم ۲۰مه) په یوه خبرپاڼه کې ویلي، چې د هېواد په ټولو ولایتونو کې د سړو سیمو د ښوونځیو کلنۍ ازموینې د لړم په ۲۶مه پیلېږي او د لیندۍ تر ۲۹مې به دوام وکړي. 

طالبانو ویلي چې د اول نه تر دریم ټولګي کلني امتحانونه به د لړم له ۲۶ نیټې څخه پیل او تر ۳۰ مې پورې دوام وکړي او د څلورم نه تر دولسم ټولګي کلنۍ آزموینې د لیندۍ له لومړۍ نیټې پیل او  په ۱۵ پای ته رسیږي.

جمهورخبري آژانس