طالبانو د فارسي ژبې او کلتور پر وړاندې د خپلو کلتوري محدودیتونو په دوام هېواد ته د هر ډول ایراني چاپ شویو کتابونو پر راتګ بندیز ولګاوه.
باخبرو سرچينو جمهور خبري اژانس ته ويلي: طالبانو د اسلام کلا په پوله کې د هر ډول موضوع او محتوا سره د ايراني کتابونو د ننوتلو مخه نيولې ده.
د عیني شاهدانو په وینا، طالبانو حتی د اسلام کلا په پوله کې په ایران کې چاپ شوی قرآن راټول او ثبت کړی دی.
تر دې مخکې طالبانو د کربلا د زیارت کوونکو د لمانځه کتابونه، مهرونه او کفنونه هم راټول کړي وو او سوځولي یې وو. دغې ډلې یوه اونۍ مخکې د کابل کتاب پلورنځیو ته د ۴۰۰ کتابونو نوملړ چمتو کړ او د هغوی پر پلور یې بندیز ولګاوه او له هغه وروسته د دایکنډي ولایت د اطلاعاتو او فرهنګ ریاست د دغې ډلې له خوا په غزني ولایت کې ممنوعه کتابونه راټول کړل.
په جاغوري ولسوالۍ کې يې د اسلامي انقلاب د کتابتون دروازه وتړله او د شيعه ګانو ديني کتابونه يې له ځان سره بوتلل.
د پوهنتون يوه استاد د طالبانو دغه کړنه په فارسي ژبه يو ښکاره بريد وباله جمهورخبري آژانس ته یې و ویل، د افغانستان په کتابتونونو کې تر ۹۸ سلنه ډېر فارسي کتابونه د ايرانيانو له خوا ليکل شوي او يا هم د ايران له خوا چاپ او ژباړل شوي دي.
د هیواد د پوهنتونونو تدریسي سرچینې هم په ایران کې چاپ شوي کتابونه دي. د طالبانو دا کړنه نه یوازې د فارسي ژبې او کلتور دښمن دی، بلکې د ساینس دښمنان دي.
د دغه پوهنتون د استاد په خبره، افغانان د انګلیسي ژبې له ماخذونو څخه د استفادې لپاره په انګلیسي ژبه بلد نه دي او په پښتو ژبه کې د زده کوونکو لپاره علمي کتاب نشته.
په کابل کې د سیاسي علومو یوه محصل هم جمهور خبري اژانس ته ویلي: طالبان له پښتو پرته بله ژبه نه مني، خو په دې نه پوهیږي چې په پښتو کې یوه علمي سرچینه هم نشته، هغه کتابونه چې د ښوونځي پر مهال یې په پښتو لوستل. له خناطې او ورور وژنې پرته هیڅ مواد نه لري. طالبان غواړي په دې طریقه د هیواد علمي ټولنه په کوم لوري وغځوي؟
جمهورخبري آژانس
