طالبانو په نیمروز کې د معاملاتو لارښود ۷ دفترونه تړلي دي

د طالبانو د عدلیې وزارت اعلان وکړ چې په نیمروز ولایت کې یې د راکړې ورکړې د لارښود اووه دفترونه تړلي دي.

د طالبانو د ډلې تر کنټرول لاندې د هیواد د عدلیې وزارت (د لړم ۱۱) اعلان وکړ چې د نیمروز ولایت لپاره د دغې ډلې د عدلیې ریاست د څارنې بورډ په دغه ولایت کې د راکړې ورکړې د لارښود دفترونه څارلي او د هغوی فعالیتونه یې څیړلي دي.

طالبانو ویلي چې د دې څارنې او پلټنو په پایله کې د سوداګرۍ او صنایعو د لارښوونو ۷ دفترونه د ناقانونه کړنو له امله تړل شوي او د نورو سوداګریزو لارښود دفترونو چلوونکو ته یې د نیمګړتیاوو د سمولو او د چارو د ښه والي په موخه لازمې سپارښتنې کړې دي.

باید وویل شي؛ د طالبانو د ډلې ملکي کسان او جنګیالي چې د څارنې پوهه نه لري، د غیرقانوني فعالیتونو تر نامه لاندې د خلکو د کارونو مخه نیسي او له خلکو سره په غیر منطقي او پیچلي چلند کوي او هیڅ انساني او معقوله خبره د چټلو په منطق نه مني.

جمهورخبري آژانس