د المپیک د نړیوالې کمیټې ویاند مارک اډمز ویلي چې د پاریس په المپیک کې د طالبانو لپاره ځای نشته.
اډمز په یوه خبري غونډه کې زیاته کړه چې د المپیک نړیواله کمېټه د افغانستان د المپیک له ملي کمېټې او د هغې له عمومي منشي سره چې په جلاوطنۍ کې دي کار کوي.
هغه زیاته کړه، "موږ دا څرګنده کړه چې موږ د جنسیتي برابر ټیم غواړو. دا غوښتنه وه او هغه څه چې موږ ترلاسه کړل."
اډمز ټینګار وکړ چې په پاریس کې به د طالب چارواکو لپاره ځای نه وي.
هغه په ډاګه کړه، چې د طالبانو په استازیتوب هیڅوک به د ۲۰۲۴ کال د المپیک سیالیو لپاره وړ نه وي.
د هغه په وينا، افغان نارينه ورزشکاران به په پاريس کې د شاور، لامبو او جودو په سياليو کې برخه واخلي. ښځې هم د شاور او بایسکل ځغلولو سیالیو کې برخه اخلي.
دا په داسې حال کې ده، چې طالبانو د افغانستان تر واک لاندې راوستو وروسته ښځو ته د سپورت او په سیالیو کې د ګډون اجازه نه ورکوله او په بشپړه توګه یې په څنګ کې ساتل.
خبرگزاری جمهور
