په تېره یوه اوونۍ کې ۹ زره افغان کډوال له ایران څخه را اړول شوي دي

ایراني چارواکي وايي، تېره یوه اونۍ کې یې نژدې ۹۰۰۰ افغانان بېرته خپل هېواد ته ستانه کړي دي.
 
د ایران دولتي تلوېزیون د خراسان رضوي ولایت د پولیسو د قومندان له خولې ویلي، دا کډوال په "ناقانونه" توګه ایران ته ور اوښتي وو.
 
هغه ویلي، دا کډوال د ایران له بېلابېلو سیمو راټول کړل شوي او په وینا یې د اړوند قانوني بهیر له بشپړولو وروسته یې په افغانستان کې د طالبانو حکومت چارواکو ته سپارلی دي.
 
جمهورخبري آژانس