د امریکا ولسمشر جو بایډن په افغانستان کې د امریکا د شل کلن ماموریت او ماتې څېړلو لپاره د ځانګړي کمېسیون د جوړولو بودیجه توشیح کړه.
د جمهور آژانس د خبر له مخې راپورونه وايي، جوبایدن د کانګرېس له لوري د دفاعي بودیجې تایید شوې طرحه توشیح کړه.
د سرچینې په وینا په دې کې د هغه کمیسیون لپاره هم بودیجه ځانګړې شوې چې ټاکل شوې په افغانستان کې د امریکا شل کلن ماموریت او ماتې وڅېړي.
دا کمیسیون به شپاړس غړي لري چې خپل لومړنی راپور به د یوه کال په اوږدو کې خو وروستی راپور به یې د درېیو کالونو په اوږدو کې وړاندې کوي.
د امریکا کانګریس وایي په دې راپور کې له راغلې مواردو به د امریکا د راتلونکو تګلارو او پالیسیو لپاره کار اخیستل کېږي.
ځينې امریکایي استازي بیا په دې باور دي چې د څېړنې په لړ کې هغه کسان باید جزايي چې د ماتې او اوسني وضعیت د رامنځ ته کېدو لامل دي.
د یادونې ده، چې د امریکا د کانګرېس له خوا ۷۷۰ میلیاد ډالر د دفاعي بودیجې لپاره ځانګړي شوي دي.
جمهورخبري آژانس:کابل
