د امریکا ولسمشر جوبایډن ویلی تمه لري، چې د اګست د میاشتې تر وروستۍ نېټې پورې له افغانستان د امریکايي ځواکونو او له دوی سره د لسګونه زره کسانو د وتلو پروسه پشپړه شي.
د جمهور آژانس د خبر له مخې بایډ ټینګار کړی، چې هیله لري د ایستلو دا بهیر د روانې میاشتې تر وروستۍ نېټه هغه خوا ته ونه غّځېږي.
هغه پرون یکشنبې خبریالانو ته و ویل«ګورو چې څه کولی شو، لا ډېره اوږده لار پاتې ده او ښايي ډېر څه د توقع خلاف پېښ شي، خو هیله لرم چې دغه نېټه ونه غځول شي.»
بایډن دا خبرې پر داسې مهال کوي، چې اروپايي ټولنې خبرداری ورکړي، چې تر دې نېټې د افغانستانه د ټولو کسانو ایستل، چې باید وایستل شي امکان نه لري.
باید و ویل شي، چې د طالبانو لاس ته د کابل له لوېدو وروسته لسګونه زره افغانانو افغانانو د کابل هوایي ډګر ته پدې هیله مخه کړې چې د هیواد نه بهر ووځي.
هلته اوس مهال ډېره ګډوډي ده ان خلکو ته په کې مرګ ژوبله واوښته، چې طالبان یې مسوولیت پر امریکایانو اچوي.
خو د امریکا ولسمشر د حامد کرزي د نړیوال هوایي ډګر په هغې برخې کې چې د امریکایي ځواکونو په کنټرول کې ده، د زورونکو پیښو په هکله ویلي، دا د وتلو د بیعې برخه ده.
نوموړي زیاته کړې، چې د کړاو، مرګ ژوبلې او هغو زړه زورونکو پیښو پرته د دومره کسانو ایستل هېڅ امکان لري.
خو د طالبانو یو چارواکي امیر خان متقي د فرانس پریس خبري اژانس ته ویلي، امریکا د خپل ټول قوت او امکاناتو سره په هوایي ډګر کې د نظم په راوستلو کې ناکامه شوې.
متقي وویل چې د هوایي ډګر پرته په ټول هیواد کې سوله او آرامي ده.
جمهورخبري آژانس:کابل
