راپورونه وايي، د بغلان ولایت د خنجان ولسوالۍ لپاره د طالبانو نومول شوی ولسوال ملا امیر وژل شوی دی.

د جمهور آژانس د خبر له مخې ملي تلوېزیون په یوه لنډ خبر کې ویلي، چې ملا امیر د بغلان په دوشي ولسوالۍ کې له افغان ځواکونو سره نښته کې وژل شوی دی.

سرچینه زیاتوي، چې ملا امیر پرون وژلش وی خو په دې اړه یې نور معلومات نه دي ورکړي.

ویل کېږي ملا امیر بغلان ولایت کې د طالبانو یو له مهمو قوماندانو څخه وو.

طالبانو تر اوسه په دې اړه څه نه دي ویلي.

جمهورخبري آژانس:کابل