سیمه ییز چارواکي وايي، ننګرهار ولایت کې د یوه کور د چت لوېدو په پېښه کې ۷ تنو ته مرګ ژوبله اوښتې ده.
جمهور آژانس د خبر له مخې پېښه تېره شپه (د تلې ۲مه) د ننګرهار ولایت د پچیراګام ولسوالۍ په ګیره خېلو سیمه کې رامنځ ته شوې ده.
د ولایت مقام په خبرپاڼه کې راغلي، چې یاده سیمه کې د یوه کور چت لوېدلي، چې له امله یې څلور تنه وژل مړه شوي او درې نور ټپیان شوي دي.
خبرپاڼه وايي، د کيمياګل مېرمن، دوه وړې لورانې او ماشوم زوی مړه شوي او همدا راز د نوموړي په ګډون دوه واړه زامن يې ټپيان شوی دي.
د چارواکو په وینا دغه پېښه د کوټې د ډير زړښت له امله رامنځته شوې او ننګرهار والي د پېښو پر وړاندې چمتووالي ادارې مسئولينو ته سپارښتنه کړې چې ژر تر ژره ياد کورنۍ ته بېړنۍ مرستې ورسوي.
جمهورخبري آژانس:ننګرهار
