جمهور - گروه طالبان: با کشور اوزبیکستان هیچ اختلافی نداریم

گروه طالبان: با کشور اوزبیکستان هیچ اختلافی نداریم

سخنگوی گروه طالبان می گوید که این گروه هیچ اختلافی با کشور اوزبیکستان ندارد.

به گزارش خبرگزاری جمهور، ذبیح الله مجاهد، سخنگوی گروه طالبان امروز شنبه(25 حوت) در یک نوار صوتی اختلافات میان این گروه و کشور اوزبیکستان را رد کرده است.

این طالب گفته که موجودیت ملحوظات میان کشورها یک امر طبیعی است اما روابط امارت طالبان با اوزبیکستان در وضعیت خوبی قرار دارد.

او گفته که افغانستان و اوزبیکستان دارای مشترکات زیادی هستند و اوزبیکستان در زمینه‌های مختلف با افغانستان همکاری کرده است.

گفتنی است که یک نهاد تحقیقی بین‌المللی اخیراً در گزارشی گفته که روابط میان گروه طالبان و اوزبیکستان به تیرگی گرائیده است.

خبرگزاری جمهور