معين وزارت اقتصاد گروه طالبان با مسوولان موسسات بین‌المللی دیدار کرد

 

به گزارش خبرگزاری جمهور، وزارت اقتصاد گروه طالبان امروز پنج‌شنبه(9 حوت) در اعلامیه‌ای گفته که مولوی محمدعالم جمیل، معین مالی و اداری وزارت اقتصاد، در دیدار با مسئولان مؤسسات بین‌المللی (UNICEF، OCHA، JACK، HSDO) پیرامون چگونگی اجرا و بهبود پروژه‌های خدمات اساسی صحی (BPHS) در ولایت‌های مختلف کشور صحبت کرده است.

 

معین مالی و اداری وزارت اقتصاد گروه طالبان، بر لزوم تمرکز بیشتر بر اجرای مؤثر پروژه‌های BPHS تأکید کرد.

 

او خاطرنشان کرده که این پروژه‌ها باید به گونه‌ای اجرا شوند که تمامی افراد نیازمند در سراسر کشور، به ویژه در مناطق دورافتاده، از خدمات صحی ارائه‌شده یکسان بهره‌مند گردند.