طالبان توافق با پاکستان برای اعطای بورسیه‌های تحصیلی به دختران افغان را شایعه خواندند
دوشنبه ۸ دلو ۱۴۰۳ ساعت ۱۱:۵۸
وزارت تحصیلات عالی گروه طالبان اعلام کرده که توافق این گروه با پاکستان برای اعطای بورسیه‌های تحصیلی به دختران افغان حقیقت ندارد.
به گزارش خبرگزاری جمهور، ضیاء الله هاشمی سخنگوی گروه طالبان برای وزارت تحصیلات عالی امروز دوشنبه (8 دلو) درصفحه اکس خود نوشته که هیچ توافقی با هیچ کشوری، از جمله پاکستان، برای اعطای بورسیه‌های تحصیلی به دختران نداریم.
این طالب نوشته بورس‌ها برای مهاجرین افغان مقیم پاکستان قبلاً نظر گرفته شده و این موضوع با هیچ نهاد طالبانی توافق نشده است.
او گفته نشر چنین ادعاها را بی‌اساس و تبلیغات مغرضانه علیه امارت طالبان می‌باشد.
کد مطلب: 179748
