اتحادیه اروپا ۴۵ میلیون یورو را به دهاقین افغانستان کمک می‌کند
سه شنبه ۲۰ قوس ۱۴۰۳ ساعت ۱۹:۰۹
توماس نیکلاسون نماینده خاص اتحادیه اروپا برای افغانستان با مولوی عبدالکبیر معاون سیاسی گروه طالبان دیدار کرده و گفته که اتحادیه اروپا ۴۵ میلیون یورو به دهاقین افغانستان کمک می‌کند.
به گزارش خبرگزاری جمهور، گروه طالبان با نشر خبرنامه‌ای اعلام کردند که، مولوی عبدالکبیر معاون سیاسی این گروه با توماس نیکلاسون نماینده خاص اتحادیه اروپا برای افغانستان در کابل دیدار کرده است.
نیکلاسون گفته که اتحادیه اروپا کوشش می‌کند که در آینده نزدیک، توسط نهادهای بین‌المللی همکار، 45 میلیون یورو را به‌خاطر کشت بدیل برای دهاقین کمک کند.
وی گفته که با کشورهای همسایه صحبت نموده تا از اخراج اجباری مهاجرین افغان خودداری نمایند.
مولوی عبدالکبیر گفته که در بخش کشت بدیل، کمک‌های اخیر اتحادیه اروپا مهم می‌باشد.
کد مطلب: 178509
