سرپرست وزارت صنعت طالبان در نمایشگاه حلال استانبول 2024 شرکت می‌کند
دوشنبه ۵ قوس ۱۴۰۳ ساعت ۱۰:۲۳
گروه طالبان اعلام کرده که سرپرست وزارت صنعت و تجارت این گروه در نمایشگاه حلال استانبول 2024 ترکیه دعوت شده است.
به گزارش خبرگزاری جمهور، وزارت صنعت و تجارت کشور، تحت کنترل گروه طالبان امروز دوشنبه(5 قوس) در اعلامیه‌ای گفته که نورالدین عزیزی، سرپرست این وزارت با جنک اونال، سفیر کشور ترکیه در کابل دیدار کرده است.
دو طرف پیرامون سفر و اشتراک عزیزی در برنامه افتتاح نمایشگاه بین‌المللی حلال استانبول 2024، برنامه‌ها و ملاقات وی در ترکیه صحبت کرده است.
طالبان گفتند که قرار است نورالدین عزیزی به دعوت رسمی جمهوری ترکیه در نمایشگاه بین‌المللی حلال استانبول
از تاریخ 27 الی 30 نوامبر 2024 مطابق به 6 الی 9 قوس در شهر استانبول آن کشور برگزار می‌گردد، اشتراک نماید.
کد مطلب: 178030
